Who is your motivator to being with Vethathiriya yoga?

நீங்கள் வேதாத்திரிய யோகம் கற்க உறுதுணை யார் என்று நினைக்கிறீர்கள்?

வணக்கம், அன்பர்களே, நம் வேதாத்திரிய சானலில், தினமும் ஒரு வாக்கெடுப்பு நிகழ்த்துகிறோம் அல்லவா, அதில் இன்று கிடைத்த வாக்கின் விபரம் மற்றும் விளக்கம் காண்போம். கலந்துகொண்டோர் வாக்கு மொத்த எண்ணிக்கை 375Votes/37Likes.(இந்த பதிவு தரும் நேரத்தில் மட்டும்)

-

கிடைத்த சரியான வாக்கு /அதிகமான வாக்கு என்ன? பாருங்கள்.

அன்பர்களே,  நீங்கள் வேதாத்திரிய யோகம் கற்க உறுதுணை யார் என்று நினைக்கிறீர்கள்?

என் மூதாதையர்களில் யாரோ சிலர் அவர்களே உறுதுணை 55% (சரியான / அதிக வாக்கு)

-

அன்பர்களே, வேதாத்திரியத்தில் இணைந்திருக்கின்ற நாம், நம் பிறவிக்கடன் தீர்க்கும் வழியில் பயணிக்கிறோம். வேதாத்திரி மகரிஷி அவர்கள் துணையோடு, தன்னை அறியவும், இறையுணர்வு பெறவும் அன்றாடம் தவம், தற்சோதனை, ஆராய்ச்சிகள் செய்கிறோம். இப்படி பெருமை வாய்ந்த வாய்ப்பு நமக்கு எப்படி கிடைத்தது என்று நினைத்திருக்கிறோமா?

இதை இன்னும் விளக்கமாக பார்க்கலாமே! நம்மோடு இருக்கும் இன்னும் பலர், யோகம் என்றால் என்ன என்ற உண்மை அறியாதுதானே வாழ்கிறார்கள். நாம் அழைத்தாலும் அவர்கள் ஒப்புக்கொண்டு வருவதும் இல்லையே?! உதாரணமாக சொல்லப்போனால், ‘என் வாழ்க்கைத்துணைவர் கூட நான் சொன்னால், மனவளக்கலை மன்றத்திற்கு வரமாட்டேன் என்கிறார்’என்று தானே சிலர் சொல்லுகிறார்கள்?!

ஆனால் நாம், மனவளக்கலை மன்றத்தில் யோகத்தில் இருக்கிறோம். தினமும் பயிற்சிகளையும் செய்துவருகிறோம், நமக்கு மட்டும் எப்படி இந்த ஆர்வம் வந்தது? இந்த வேதாத்திரிய யோகம் கற்க உறுதுணை யார் என்று என்றைக்காவது கேள்வி கேட்டுள்ளோமா?

நானாகவே வந்தேன்,

என் நண்பர்தான் காரணம்,

என் பெற்றோர்தான் உதவினர்,

என் உடன்பிறந்தவர்கள் துணையாக இருந்தனர்

என் குழந்தைகள்தான் என்னை அழைத்து வந்தனர் 

என்று ஓவ்வொன்றாக சொல்லமுடியும். ஆனால் இவை எல்லாவற்றையும் விட, நமக்குள் உள்முகமாக ஒரு தேடல் இருந்தது என்றால், உங்களால் நம்ப முடியுமா?

ஆம், உங்களின் மூதாதையர்களில் யாரோ சிலர், இந்த வாழ்க்கையில் கண்ட அனுபவங்களின் அடிப்படையில், ‘இனியாவது நாம் யோகத்திற்கு திரும்பவேண்டும், நான் யார்? என்று அறிந்து, இறையுண்மையில் நிறையவேண்டும்’ என்று எண்ணியிருப்பார். ஆனால் வயதும், வாழ்க்கை சூழலும் அதற்கு இடங்கொடுத்திருக்காது. அந்த எண்ணம் வழிவழியாக உங்களிடம் செயலாக மலர்ந்திருக்கிறது. அதுதான் நீங்கள், இந்த வேதாத்திரிய யோகத்தில் இணையவும் வாய்ப்பை உருவாக்கிக் கொடுத்திருக்கிறது.

எனவே உங்கள் மூதாதையாருக்கு ‘வாழ்க வளமுடன்’என்று வாழ்த்து சொல்லி மகிழுங்கள்!

வாழ்க வையகம், வாழ்க வையகம், வாழ்க வளமுடன்.

-

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: