The secret of wording Vazhga Valamudan, when we bless someone!

ஒருவரை ’வாழ்க வளமுடன்’ என்று வாழ்த்தும் பொழுது அதில் இருக்கின்ற ரகசியம் என்ன தெரியுமா?

வணக்கம், அன்பர்களே, நம் வேதாத்திரிய சானலில், தினமும் ஒரு வாக்கெடுப்பு நிகழ்த்துகிறோம் அல்லவா, அதில் இன்று கிடைத்த வாக்கின் விபரம் மற்றும் விளக்கம் காண்போம். கலந்துகொண்டோர் வாக்கு மொத்த எண்ணிக்கை 363Votes/26Likes.(இந்த பதிவு தரும் நேரத்தில் மட்டும்)

-

கிடைத்த சரியான வாக்கு /அதிகமான வாக்கு என்ன? பாருங்கள்.

அன்பர்களே, வாழ்க வளமுடன் என்று சொல்லும்பொழுது என்ன நிகழ்கிறது?

நம் மனம் அமைதியாகிறது பிறருக்கு நிறைவாகிறது 15% (சரியான வாக்கு)

பிறருக்கும், நமக்கும் நன்மை உண்டாகிறது 60% (அதிக வாக்கு)

-

அன்பர்களே, வாழ்த்து என்பதே அற்புதமானது. யாரேனும் நம்மை வாழ்த்தினால், அது நமக்கு உத்வேகம் கொடுக்கும், மனம் உற்சாகம் மிகும் என்பதே உண்மை. வேதாத்திரியத்தில் ‘வாழ்க வளமுடன்’ என்ற வாழ்த்தை, ஒரு மந்திரமாகவும் வேதாத்திரி மகரிஷி அவர்கள் வடிவமைத்திருக்கிறார்.

இதை இன்னும் விளக்கமாக பார்க்கலாமே! யாராலும் மிக சாதாரணமாக ‘வாழ்க வளமுடன்’ என்று சொல்லிவிட முடியாது. நீங்கள் ‘வாழ்க வளமுடன்’ என்று சொல்லும் பொழுது, உங்கள் மனம் அங்கே நிற்க வேண்டும். அப்போதுதான் அது மந்திரமும் ஆகிறது. இதை சொல்லுவதால் நமக்கும் பிறருக்கும் நன்மை உண்டாகிறது என்பது பொதுவானது, அதுவே இங்கே அதிக வாக்காக வந்திருக்கிறது.

உண்மையில், ‘வாழ்க வளமுடன்’ என்று சொன்னால், நம் மனம் அமைதியாகிறது, அதே நேரத்தில் பிறருக்கு அது நிறைவான வாழ்த்தாக மாறுகிறது என்பது தான் சரியானது. எழுத்துக்களை அட்ஷரங்கள் என்று வடமொழியில் சொல்லுவார்கள். அந்த எழுத்துக்களுக்கான ஒலி வடிவம், மந்திரமாக, அதிர்வை தந்து ஊக்குவித்து, நமக்கு நன்மை தருவதாக அமைந்திருக்கும். அப்படியாக இருப்பதுதான், உலகில் நாம் காணும் மந்திரங்கள். ஆனால் வாழ்த்திலேயே மந்திரம் என்றால் அது ‘வாழ்க வளமுடன்’ தான் என்பதில் சந்தேகமில்லை.

சிலர் இப்படி சொன்னால் போதுமா? என்று எள்ளி நகையாடுவதும் உண்டு. அது அவர்கள் விருப்பம் எனவே அவர்களை அப்படியே விட்டுவிடலாம். முடிந்தால் அவர்களையும் நாம் ‘வாழ்க வளமுடன்’ என்று வாழ்த்தி விடுவோம்!

வாழ்க வையகம், வாழ்க வையகம், வாழ்க வளமுடன்.

-

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: