What is the benefit on the Simplified Breathing Exercise?

எளியமுறை உடற்பயிற்சியில், மூச்சுப் பயிற்சியில் கிடைக்கும் நன்மை என்ன?

வணக்கம், அன்பர்களே, நம் வேதாத்திரிய சானலில், தினமும் ஒரு வாக்கெடுப்பு நிகழ்த்துகிறோம் அல்லவா, அதில் இன்று கிடைத்த வாக்கின் விபரம் மற்றும் விளக்கம் காண்போம். கலந்துகொண்டோர் வாக்கு மொத்த எண்ணிக்கை 330 Votes.(இந்த பதிவு தரும் நேரத்தில் மட்டும்)

-

கிடைத்த சரியான வாக்கு /அதிகமான வாக்கு என்ன? பாருங்கள்.

அன்பர்களே, எளியமுறை உடற்பயிற்சியில், மூச்சுப் பயிற்சியில் கிடைக்கும் நன்மை என்ன?

நுரையீரலின் முன் பின் பகுதிகள் விரிவடைகிறது 45% (சரியான /அதிக வாக்கு)

-

எளியமுறை உடற்பயிற்சி, பல்வேறு சிறப்பான உடற்பயிற்சிகளின் தொகுப்பாகும். உலகில் பல்வேறு பயிற்சிகளை ஒன்றினைத்து குரு மகான் வேதாத்திரி மகரிஷி அவர்கள் வழங்கிய வேதாத்திரிய யோகத்தின் வழியாக நமக்கு கிடைத்த பெரும் பரிசு எனலாம். இதில் மூச்சுப்பயிற்சி என்பது, நாம் மிகச்சரியாக சுவாசித்து வாழ்வதற்கு உதவுகிறது. எப்படி? 

இதை இன்னும் விளக்கமாக பார்க்கலாமே! நாம் அன்றாடம் சுவாசிக்கிறோம். ஒரு சிசுவின் வாழ்க்கை, தனக்குத்தானே சுவாசித்தலில் ஆரம்பமாகிறது. நாம் தொடர்ந்து வாழவும் சுவாசமும், அதை நிகழ்த்தும் நுரையீரலின் இயக்கமும் சீராக இருக்க வேண்டியது அவசியம். ஆனால் நாம் மிகச்சரியாக அந்த சுவாசத்தை செய்கிறோமா? என்றால் இல்லை.

நாம் நுரையீரல் வழியாக இழுக்கும் காற்று 12 கன சதுரம் என்றும், வெளியிடும் காற்று 16 கன சதுரம் என்றும் அளவிட்டு இருக்கிறார்கள். அந்த அளவில் தொடர்ந்து நடைபெறாவிட்டால், பிராணவாயுவுக்கு (Oxygen) பதிலாக கரியமில வாயு (Carbon-dioxide) மிகுந்து நமக்கு சோர்வையும், மயக்கத்தையும் வரவழைக்கும். இந்த அளவுகள் மாறிட முக்கிய காரணம், நாம் நம்முடைய சுவாசத்தை, நுரையீரலின் வழியாக சரியாக செய்வதில்லை. அசட்டை செய்துவிடுகிறோம் என்பது உண்மை.

இதைமாற்றி, திருத்தி அமைக்க, மூச்சுப்பயிற்சி உதவுகிறது. நுரையீரலின் முன் பின் பகுதிகள் நன்றாக விரிந்து காற்றை உள்ளிழுக்கும்படி பயிற்சி செய்வதால், இயல்பான மூச்சு இழுத்தல், வெளியிடுதல் நடைபெற வாய்ப்பாகிறது. எனவே நம் எல்லோரும் மூச்சுப்பயிற்சியால், இயல்பான, இயற்கையான சுவாச முறைக்கு மாறிட வேண்டும் என வாழ்த்தி மகிழ்கிறேன். 

வாழ்க வையகம், வாழ்க வையகம், வாழ்க வளமுடன்.

-

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: