Inferiority complex Vs superiority complex

தாழ்வு மனப்பான்மையும், உயர்வு மனப்பான்மையும்!

நம் வேதாத்திரிய சானலில், தினமும் ஒரு வாக்கெடுப்பு நிகழ்த்துகிறோம் அல்லவா, அதில் இன்று கிடைத்த வாக்கின் விபரம் மற்றும் விளக்கம் காண்போம். இதற்கு கிடைத்த சரியான வாக்கு /அதிகமான வாக்கு என்ன சொல்லுகிறது பாருங்கள்.

நமக்குள் உயர்வு தாழ்வு மனப்பான்மை ஏற்பட்டால் எப்படி போக்கலாம்?

அவரும் மனிதர் நானும் மனிதர் என்ற சமநோக்கில் 92% (சரியான வாக்கு)

இதை இன்னும் விளக்கமாக சொல்லுவதென்றால், ஒருவர் பிறக்கும் பொழுது ஏழையாக இருக்கலாம் இதற்கு மரபு வழியான காரணங்கள் இருக்கலாம். அதாவது பெற்றோர், அவர்களின் பெற்றோர் உழைப்பின்றி, இருப்பதே போதும் என்று எண்ணியிருக்கலாம். அதற்காக தன்னை தாழ்த்திக்கொள்ளாமல், இவர் தன் வாழ்வில் சரியான வழியைத் தேர்ந்தெடுத்து, உழைத்து முன்னேறினால் தன் வறுமை நிலையை போக்கிவிடலாம். என்ன கொஞ்சம் காலம் பொறுத்துக்கொள்ள வேண்டும், உடனே வறுமை போக்கிட வழி இல்லை. அப்படி செயல்பட்டால் அது சட்டத்திற்கும், இயற்கைக்கும் முரண்பாடாக அமையும்.

ஒருவர் பிறக்கும் பொழுதே பணக்கார குடும்பத்தில் பிறக்கலாம். அதில் நிறைய மரபு வழி காரணங்கள் உண்டு. இதனால் மற்றவர்களை உதாசீனம் செய்யக்கூடாது. பணக்கார குடும்பத்தில் பிறந்ததாலேயே, உனக்கென்னய்யா எல்லா வசதியும் இருக்கு என்ற எள்ளல் தேவையில்லை. ஏதேனும் சில காரணங்களால் வறுமை நிலைக்கும் வர வாய்ப்பு உண்டுதானே?!

பொருள், புகழ், செல்வாக்கு என்ற வகையில் உயர்ந்தவர்கள் என்றால்கூட சிலர் மதிப்பு கொடுத்து வாழ்ந்து வருவதை காணமுடியும். காரணம் அவர்களிடம் இருக்கும் ஒருவித மனப்பான்மை என்று சொல்லலாம். அது அவர்கள் விருப்பம். நாம் சொல்லுவதற்கு ஒன்றுமில்லை.

மனிதர்களுக்காக அறிவு உயர்வு, வாழ்க்கை அனுபவம் என்ற வகையிலான வித்தியாசமே இயற்கையானது. அதற்கு மதிப்புக் கொடுத்து நடந்துகொண்டால் போதுமானது. மேலும் ஒருநாட்டில் வாழும் வரையில், சட்ட திட்டங்களுக்கும், அதை நிறைவேற்றும் அலுவர்களுக்கும் மதிப்பு கொடுக்கவேண்டியதும் அவசியம்.

எந்த வகையில் அடுத்தவர் இருக்கிறார் என்று அறிந்து கொண்டாலும் கூட, பொதுவாக, சமநோக்கு என்ற பார்வையில் பார்த்துப்பழகி, வாழ்ந்து பழகுதல் வேண்டும். அதுவே நம் வாழ்வில் உயர்வைத் தரும்.

வாழ்க வளமுடன்.

Note: Photos are collected from internet source, copyrighted to the owners, who published on their websites.

-

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: