Are you perfect to Biomagnetism passes after learned?

ஜீவகாந்த பெருக்கப்பயிற்சி செய்து பழகிவிட்டால், பிறருக்கு அதை ‘பாய்ச்சுதல்’ செய்யமுடியுமா?

வணக்கம், அன்பர்களே, நம் வேதாத்திரிய சானலில், தினமும் ஒரு வாக்கெடுப்பு நிகழ்த்துகிறோம் அல்லவா, அதில் இன்று கிடைத்த வாக்கின் விபரம் மற்றும் விளக்கம் காண்போம். கலந்துகொண்டோர் வாக்கு மொத்த எண்ணிக்கை 405votes.(இந்த பதிவு தரும் நேரத்தில் மட்டும்)

-

இதற்கு கிடைத்த சரியான வாக்கு /அதிகமான வாக்கு என்ன? பாருங்கள்.

அன்பர்களே, ஜீவகாந்த பெருக்கப்பயிற்சி செய்து பழகிவிட்டால், பிறருக்கு அதை ‘பாய்ச்சுதல்’ (PASSES) செய்யமுடியுமா?

நல்ல அனுபவம், நிறைவு, குறையாத நிலை தேவை. 22% (சரியான வாக்கு)

-

ஆனால், ஆமாம், நிச்சயமாக செய்யமுடியும், செய்துள்ளேன். 61% ( அதிக வாக்கு) என்ற அளவில் முடிவு பெற்றிருக்கிறது. இது, பெரும்பாலான அன்பர்கள் தவறான கருத்தில், புரிந்துவைத்து இருக்கிறார்கள் என்பதை அறியத்தருகிறது. அதிகவாக்கு என்பதால், நம் உலக நாடுகளில் நிகழும் தேர்தல் முறைப்படி வெற்றியாளராக அறிவிக்க முடியாது. இங்கே உண்மை என்ன என்பதற்காகவே வாக்குப்பதிவு நடத்துகிறோம் அல்லவா? எனவே ‘ஆமாம், நிச்சயமாக செய்யமுடியும், செய்துள்ளேன்' என்பது தவறானது ஆகும்!

இப்படி சொல்லுபவர்கள், உங்களுக்கும், நீங்கள் சக்தி பாய்ச்சிய நபருக்கும் என்ன மாற்றம் உண்டானது? என்று கேட்டால் மௌனம் சாதிப்பார்கள்!

இதை இன்னும் விளக்கமாக பார்க்கலாமே! ஜீவகாந்தம் என்பது நம் உடல், மன இயக்கத்திற்கு காரணமாக இருக்கும், மூல சக்தி. இந்த சக்தி எப்போதும் நிறையாக இருக்கவேண்டியது அவசியம். தடை வந்தால் வலி, பிறகு அதுவே நோயாக மாறிவிடும். குறைந்தால் நாம் தூங்கிவிடுவோம். 

வேதாத்திரியம் வழியாக, தீப பயிற்சி, கண்ணாடி பயிற்சி வழியே, நம் ஜீவகாந்த இருப்பை அதிகப்படுத்தலாம். ஆனால் அதிகப்படுத்தியதை சேமிக்கப் பழகவேண்டியது அவசியமாயிற்றே?! அதற்கு அகத்தாய்வும், தற்சோதனையும் மிகமிக அவசியம். மேலும் நல்ல அனுபவம், நிறைவு, குறையாத ஜீவகாந்த நிலை தேவை. அதற்கு தகுந்த காலம், ஜீவகாந்த பெருக்கப் பயிற்சி செய்து பழக்கம் வேண்டும்.

அதுவல்லாது, கற்றுக்கொண்டேன், என்னிடம் ஜீவகாந்தம் பெருகிவிட்டது என்று பிறருக்கு ‘பாய்ச்சுதல்’ செய்தால், உங்களிடம் இருப்பதும் வற்றிப்போய், பிறரிடமிருந்து ‘நோய்தாக்குதலை, பிரச்சனையை’ பெற்றுக்கொள்வீர்கள். எனவே கவனம்.

இதுகுறித்து இன்னும் தெளிவான பதிவை, நம் வேதாத்திரிய சானலில் தருகிறோம். காத்திருங்கள்!

வாழ்க வளமுடன்!

-

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: