Any perfect time to do simplified exercise?

எளியமுறை உடற்பயிற்சி செய்வதற்கு சிறந்த நேரம் எது?

வணக்கம், அன்பர்களே, நம் வேதாத்திரிய சானலில், தினமும் ஒரு வாக்கெடுப்பு நிகழ்த்துகிறோம் அல்லவா, அதில் இன்று கிடைத்த வாக்கின் விபரம் மற்றும் விளக்கம் காண்போம். கலந்துகொண்டோர் வாக்கு மொத்த எண்ணிக்கை 428 Votes.(இந்த பதிவு தரும் நேரத்தில் மட்டும்)

-

இதற்கு கிடைத்த சரியான வாக்கு /அதிகமான வாக்கு என்ன? பாருங்கள்.

அன்பர்களே எளியமுறை உடற்பயிற்சி செய்வதற்கு சிறந்த நேரம் எது?

அதிகாலை செய்தால் அன்றைய நாள் சிறப்பு 75% (அதிக / சரியான வாக்கு)

-

இந்த வாக்கெடுப்பில், மிக அதிக அன்பர்கள் கலந்து கொண்டிருக்கிறார்கள். சரியான வாக்கையும் அளித்திருக்கிறார்கள். அவர்களுக்கு என் வாழ்த்துகள். நம் குரு மகான் வேதாத்திரி மகரிஷி வழங்கிய, வேதாத்திரிய எளியமுறை உடற்பயிற்சி எல்லாவயதினரும், தன் உடலை வருத்தாது இயல்பாக செய்யக்கூடிய, மிகச் சிறந்த பயிற்சி என்றால் மிகையில்லை. அத்தகைய பயிற்சியை, அதிகாலை செய்வதே சிறப்பு, அதனால் அந்த நாளும் சிறப்பே.

இதை இன்னும் விளக்கமாக பார்க்கலாமே! ஒவ்வொரு நாளும், அதிகாலையில், நமக்கு மட்டுமல்ல, எல்லா உயிரினங்களுக்கும் தேவையான பிராண சக்தி, உயிராற்றல் சக்தி பூமியை வந்தடைகிறது. இருள் கலைந்து ஒளி கொஞ்சம் கொஞ்சமாக பரவிவரும் அந்த அதிகாலை 3.30 முதலாகவே தொடக்கமாகிறது எனலாம். என்றாலும் கூட 4.30 மணி மிகச்சிறப்பு. பெரும்பாலன மனவளக்கலை மன்ற நிகழ்வுகள் 5.30 மணிக்கு தொடங்குவதை காணலாம். எனவே அதிகாலை 4.30 / 5.30 மணி உடற்பயிற்சிக்கு சரியான நேரமே ஆகும்.

உடல் உறுப்புக்களில், நுரையீரலின் செயல்பாடு அந்நேரம் சிறப்பாக இருக்கும். நாம் செய்யும் பயிற்சிகளால் நுரையீரல் நன்கு பலம் பெறும். உடலுக்குள் முதலாவதாக காற்று ஓட்டம் சரியாகும், அடுத்து வெப்ப ஓட்டம் சரியாகும், அடுத்ததாக இரத்த ஓட்டமும் சரியாகும். இதனால் அன்றைய நாள் முழுவதும் ஒரு துடிப்பான, மறுமலர்ச்சியான, சோர்வில்லாத நிலையில் நாம் இருக்கமுடியும். உணவும் அதன் செரிமானமும் சிறக்கும். இரவும் சரியான நேரத்தில் தூங்க முடியும். அதில் ஆழ்ந்த தூக்கமும் கிடைக்கும். எனவே நேரம் கடந்து எளியமுறை உடற்பயிற்சி செய்பவர்கள், இதுவரை செய்யாதவர்கள், அதிகாலை செய்வது என்ற முடிவோடு தங்களை மாற்றிக்கொண்டால் அற்புதமான உடல், உயிர், மனதிற்கான முன்னேற்றங்களை பெறலாம்!

வாழ்க வளமுடன்! 

-

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: