Without the practice of penance, simply correct the mind, correct life?!

தவப்பயிற்சி இல்லாமல், வெறுமனே மனதை திருத்து, வாழ்க்கையை திருத்து என்றால் அது உதவுமா?

வணக்கம், அன்பர்களே, நம் வேதாத்திரிய சானலில், தினமும் ஒரு வாக்கெடுப்பு நிகழ்த்துகிறோம் அல்லவா, அதில் இன்று கிடைத்த வாக்கின் விபரம் மற்றும் விளக்கம் காண்போம். கலந்துகொண்டோர் வாக்கு மொத்த எண்ணிக்கை 236Votes/20Likes.(இந்த பதிவு தரும் நேரத்தில் மட்டும்)

-

கிடைத்த சரியான வாக்கு /அதிகமான வாக்கு என்ன? பாருங்கள்.

அன்பர்களே, தவப்பயிற்சி இல்லாமல், வெறுமனே மனதை திருத்து, வாழ்க்கையை திருத்து என்றால் என்ன சொல்வீர்கள்?!

தவம் இல்லாமல் அடிப்படை மாற்றம் கிடைக்காது 74% (சரியான / அதிக வாக்கு)

-

அன்பர்களே, நம்முடைய வாழ்வை வளமாக்கிக் கொள்ளவும், துன்பங்களை விலக்கி இன்பமாக வாழவும் அறிவுரைகள்  நிறைய கிடைக்கின்றன. வேதாந்திகளும், பக்தியில் திளைத்த மகான்களும், ஆன்மீக ஞானிகளும், தத்துவஞானிகளும் நமக்கு திகட்ட திகட்ட கதைகளையும், விளக்கங்களையும், பயிற்சிகளையும் சொல்லிக்கொண்டே இருக்கிறார்கள். ஆனால் இதெல்லாம் செய்தால் நமக்கு மாற்றம் கிடைக்கிறதா?

இதை இன்னும் விளக்கமாக பார்க்கலாமே! எல்லாமே வழக்கம் பழக்கம் மாற்றும் பயிற்சிகள், மனதை சந்தோசமாக வைத்துக்கொள், மனதில் சிந்தனையை அதிக படுத்தாதீர், மனதில் குழப்பமாக எதையும் யோசிக்காதீர்கள், மற்றவர்களை மதித்து நடங்கள், பிறசொல்வதை கேளுங்கள், இன்னும் எல்லாமே! இதெல்லாம் கேட்கவும், நடைமுறைப்படுத்தவும் சுலபம் என்பதாகவே தோன்றும். கடைபிடித்தாலும் ஒருநாளில், இரண்டாவது நாளில் வழக்கம் போலான செயல்முறைக்கு நாமாகவே வந்துவிடுவோம். இதை அவரவர்களே உணர்வார்கள்.

ஆனால் யோகிகள், இவர்களுக்கு மாறாக, வெறுமனே வழக்கம் பழக்கம் மாற்றுவதால் நன்மை விளைந்திடாது. முற்றாகவே மனதை, உடலை மாற்றி அமைக்க வேண்டும் என்று வலியுறுத்துகிறார்கள். அப்படி சொன்ன யோகிகள், அதற்கு பயிற்சியாக வடிவமைத்ததில், தன்னையறிதலும், இறையுண்மை பெறுதலும், நான் யார்? என்ற கேள்விக்கான விடையும் கிடைத்தது. அதையும் அஷ்டாங்கயோகம் என்பதாக, முழுமையான யோக பயிற்சியாக மாற்றியமைத்தார்கள். அதை இந்த உலகுக்கும் கொடுத்தார்கள்.

அஷ்டாங்கயோகத்தில் எல்லா நிலைகளும் நாம் தொடர முடியவில்லை என்றாலும் கூட, எது முடியுமோ அதைச் செய்துவந்தால் கூட, வாழ்வில் உயர்வை பெறலாம் என்பதே அதன் சிறப்பு. ஆனால். யோகமே வேண்டாம் என்று சிலர் தடுத்த காரணத்தால், இந்த உண்மைகள் மக்களுக்குத் தெரியாமல் தள்ளிவைக்கப்பட்டு, உண்மைகள் மறைக்கப்பட்டுவிட்டன என்பது சோகம்.

மனதை அதன் நிலைகளை, மாற்றி அமைத்தாலன்றி, அதன் மயக்க நிலை மாறிடாது. அதற்கு தவம் மிக முக்கியம். இந்த உண்மையை உணர்ந்த, குருமகான் வேதாத்திரி மகரிஷி அவர்கள், மனவளக்கலை என்ற எளியமுறை குண்டலினி யோகத்தை வடிவமைத்தார். தனக்கு என்ன மாற்றம் நிகழ்ந்தது, நிகழ்ந்து கொண்டு இருக்கிறது என்பதை ஓவ்வொரு வேதாத்திரியனும் அறிவார். மேலும் மனவளக்கலை மட்டுமல்லாது, பலவித யோக அமைப்புக்களும் மக்களுக்கு தேவையான பயிற்சி முறைகளை வழங்கிவருவதும் நாம் அறிவோம். வாழ்வில் நாம் மாற்றத்தை பெற, எங்கும் எதிலும் இன்பமே பெற்று வாழ, வாழும் மற்றவர்களோடு கூடி மகிழ்ச்சியாக வாழவும், வெறும் பழக்கம் வழக்கம் கடைபிடித்தால் போதாது, யோகம் வேண்டும்.

வாழ்க வையகம், வாழ்க வையகம், வாழ்க வளமுடன்.

-

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: