Is it okay to postpone your day with activities?

எதுவாக இருந்தாலும் நாளைக்கு பார்த்துக்கலாம் என்று தள்ளிப்போடுவது சரிதானா?

வணக்கம், அன்பர்களே, நம் வேதாத்திரிய சானலில், தினமும் ஒரு வாக்கெடுப்பு நிகழ்த்துகிறோம் அல்லவா, அதில் இன்று கிடைத்த வாக்கின் விபரம் மற்றும் விளக்கம் காண்போம். கலந்துகொண்டோர் வாக்கு மொத்த எண்ணிக்கை 320Votes/24Likes.(இந்த பதிவு தரும் நேரத்தில் மட்டும்)

-

கிடைத்த சரியான வாக்கு /அதிகமான வாக்கு என்ன? பாருங்கள்.

அன்பர்களே, எதுவாக இருந்தாலும் நாளைக்கு பார்த்துக்கலாம் என்று தள்ளிப்போடுவது சரிதானா?

இன்றே இப்பொழுதே என்பதுதான் மிகச்சிறப்பு 77% (சரியான / அதிக வாக்கு)

-

அன்பர்களே, ஒருநாள் என்பது மிக அற்புதமான பரிசு என்பதை நாம் உணர்வதற்கு மிக நீண்ட அனுபவங்கள் தேவைப்படுகிறது தானே? ஆனால் அதற்குள்ளாக, பல்வேறு நிலைகளில், ஒரு நாளை மிக சாதாரணமாக கடந்தும் விடுகிறோம்.

இதை இன்னும் விளக்கமாக பார்க்கலாமே! தூங்கி எழுந்தால் ஒருநாள் என்ற கணக்கில்தான் பெரும்பாலான மனிதர்களின் வாழ்க்கை அனுபவம் இருக்கிறது. ஆனால் அதில் எவ்வளவு முக்கியத்துவம் இருக்கிறது என்பதை உணர்வதில்லை. நவீன தகவல் தொழில் உயர்ந்த இக்காலத்தில், தூங்காமல் இருந்தாலும் ஒருநாள் வந்துவிடுகிறது தானே?!

சூரியன் கிழக்கில் உதயமாகும் நேரமே ஒருநாளின் தொடக்கம் என்பது நம்முடைய கலாச்சார நிலைபாடு. ஆனால் ஆங்கில கலாச்சாரத்தில் இரவு 11.59 கடந்தால் அடுத்த நொடியே மறுநாள் / புதிய நாள் தொடக்கம் என்று சொல்லிவிடுகிறார்கள். அந்த நேரத்திலே கூட, காலை வணக்கம் சொல்லி விடைபெறும் நண்பர்கள் கூட்டமும் நாம் காண்கிறோம்.

ஒருநாள் என்பது, நாம் வாழ்கின்ற நாளை மட்டுமே சொல்லமுடியும். நேற்று என்பது முடிந்துவிட்டது. நாளை என்பது இன்னும் உருவாகவே இல்லை. ஆனால் நாம் நமக்கு தேவையான, முக்கியமான/ கட்டாயமான செயலைக்கூட ‘நாளைக்குப் பார்த்துக்கலாம்’ என்று தள்ளிவைத்து விடுகிறோம் அல்லவா? அது தவறான வழக்கமாகும். இன்றை இழ்ந்துவிட்டால் மீண்டும் கிடைக்காத இயற்கையின் பரிசு அல்லவா?

சிலர், ஆமாங்க இன்னைக்கு நிறைய வேலை இருக்குங்க' என்று ஒதுக்குவதும், ‘இன்னைக்குத்தான் மனுசன் நிம்மதியா இருக்கேன்’ என்று ஒதுங்கிட நினைப்பதும் தவறு.

உண்மையில், 

நாளை என்பது மாயை என்று தத்துவம் சொல்லுகிறது 13% 

நாளை என்பதும் பிறகு என்பதும் இல்லை என்பதற்கு சமம் 7%

என்பதை புரிந்து கொள்க. மேலும் மனவளக்கலையில் இருக்கும் நாம், ஒவ்வொரு நாளையும் நம்முடைய உயர்வுக்கு பயன்படுத்திக் கொள்வதில் தவறக்கூடாது. அதுவே வேதாத்திரி மகரிஷி அவர்களுக்கு நாம் கொடுக்கும் ஒரு காணிக்கை என்றே சொல்லலாம். இனியும் ஒருநாளை தவறவிடாதீர்கள்!

வாழ்க வையகம், வாழ்க வையகம், வாழ்க வளமுடன்.

-

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: