How you decide the simplified exercise is complete solution?

எளியமுறை உடற்பயிற்சி சரியான தீர்வு என்பதை எப்படி அறிந்தீர்கள்?

வணக்கம், அன்பர்களே, நம் வேதாத்திரிய சானலில், தினமும் ஒரு வாக்கெடுப்பு நிகழ்த்துகிறோம் அல்லவா, அதில் இன்று கிடைத்த வாக்கின் விபரம் மற்றும் விளக்கம் காண்போம். கலந்துகொண்டோர் வாக்கு மொத்த எண்ணிக்கை 282Votes/28Likes.(இந்த பதிவு தரும் நேரத்தில் மட்டும்)

-

கிடைத்த சரியான வாக்கு /அதிகமான வாக்கு என்ன? பாருங்கள்.

அன்பர்களே, எளியமுறை உடற்பயிற்சி சரியான தீர்வு என்பதை எப்படி அறிந்தீர்கள்?

தொடர்ந்து பலமாதங்களாக செய்துவரும் பொழுது 51% (அதிக வாக்கு)

-

அன்பர்களே, குரு மகான் வேதாத்திரி மகரிஷி, மனவளக்கலை யோகசாதனையை உருவாக்கும்பொழுதே, எளியமுறை உடற்பயிற்சியையும் இணைத்தார். இதனால் உடலும் மனமும் மிக ஈடுபாட்டோடு யோகத்தில் பயணிக்க முடியும் அல்லவா?

இதை இன்னும் விளக்கமாக பார்க்கலாமே! குண்டலின் யோகம் என்பதை கற்றுக்கொள்ள வேண்டுமானால், வெறுமனே ஆர்வமும், தீட்சையும் மட்டும் உதவாது. அதற்கு உடலும் முக்கியம். உடல் ஒத்துழைக்கவில்லை என்றால், யோகத்தை தொடர்ந்து செய்யவும் முடியாது. எனவேதான், குண்டலின் யோகத்தின் எளிய வடிவான, மனவளக்கலையில் எளியமுறை உடற்பயிற்சியையும் கற்க வேண்டும்.

ஆனாலும் யோக சாதனையில் ஆர்வமில்லோர்க்கும், எளிய பிறருக்கும், உடல் நலம் இல்லாதோர்க்கும், சிறு நோய்தாக்கம் கொண்டோர்க்கும் எளியமுறை உடற்பயிற்சி உதவிடும் என்பதும் உண்மை. அன்பர்களின் வாக்கும் இதை நிரூபிக்கிறது.

என் நோயை அதன் வழியாக குணப்படுத்தியபோது 21%

அன்றாட வேலைகூட செய்யமுடியாத நிலை சரியாக மாறியதால் 16%

உடல்வலிக்கான தீர்வாக அதை செய்தபொழுது 9%

உடலின் பல பிரச்சனைகளால் பாதிப்பானபொழுது 3%

எனவே, எளியமுறை உடற்பயிற்சியை யோகத்திற்கு மட்டும் தேவையான ஒன்று என ஒதுக்கிவிடாமல், பொதுவான உடல் நலன் பாதுகாப்புக்கும், முன்னேற்றத்திற்கும் உதவிடும் என்ற கருத்தில் எல்லோரும் கற்றுக்கொள்ளலாம். கற்றும் தரலாம் என்பதே உண்மை. அதுவே குரு மகான் வேதாத்திரி மகரிஷி அவர்களின் நோக்கமும் ஆகும். 

எளியமுறை உடற்பயிற்சி எப்படிப்பட்டது? என்ற கேள்வியை வைத்துக்கொண்டு ஆராய்ந்தால், உடலுக்கு உறுப்புகளுக்கு கேடு தராத, உலகில் எல்லா ஆசனங்கள், உடற்பயிற்சிகள் ஆகியவற்றின் மொத்தமான செயல்முறை கொண்டது எனலாம்! இதன் பலனை முழுதாக அனுபவிக்க எல்லோரையும் வாழ்த்து மகிழ்கிறேன்.

வாழ்க வையகம், வாழ்க வையகம், வாழ்க வளமுடன்.

-

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: