Shall we practice Shanthi meditation when feel unhealthy?

அன்பர்களே, உடல்நலம் இல்லாதபோது சாந்திதவம் செய்யலாமா?

வணக்கம், அன்பர்களே, நம் வேதாத்திரிய யோகவழியில், தினமும் ஒரு வாக்கெடுப்பு நிகழ்த்துகிறோம் அல்லவா, அதில் இன்று கிடைத்த வாக்கின் விபரம் மற்றும் விளக்கம் காண்போம். கலந்துகொண்டோர் வாக்கு மொத்த எண்ணிக்கை 332 Votes/19 Likes.(இந்த பதிவு தரும் நேரத்தில் மட்டும்)

கிடைத்த சரியான வாக்கு /அதிகமான வாக்கு என்ன? பாருங்கள்.

அன்பர்களே, உடல்நலம் இல்லாதபோது சாந்திதவம் செய்யலாமா?

தாராளமாக செய்யலாம் உடல் நலம் ஆறுதல் தரும் 86% (சரியான / அதிக வாக்கு)

அன்பர்களே, குருமகான் வேதாத்திரி மகரிஷியின் மூலம், மனவளக்கலையில் நமக்கு கிடைத்த அற்புதமான தவம் ‘சாந்திதவம்’. இந்த தவத்தின் பெருமையை வார்த்தையால் சொல்லிமட்டும் விளக்கிட முடியாது. அந்த இறையாற்றலே அமைத்துக்கொடுத்த தவம் என்று சொன்னாலும் பொருத்தமானதுதான்.

இதை இன்னும் விளக்கமாக பார்க்கலாமே! யோகத்தில் ஈடுபட்டு ‘நான் யார்?’ என்ற தன்னையறிதலிலும். இறையுணர்வு அறியவும் பயணிக்கிற நமக்கு வரும், பலவாறான உடல், மன பிரச்சனைகளுக்கு தீர்வுதான் இந்த சாந்தி தவம் ஆகும். இத்தவத்தின் உண்மையை, நன்கு யோகத்தில் ஈடுபட்டவர் மட்டுமே அறியமுடியும். மற்றோர் எல்லாம், இது தேவையா? என்றுதான் கேட்பார்கள். இதை நான் செய்வதே இல்லையே என்பார்கள். அவர்களை அப்படியே விட்டுவிடலாமே!

உலகில் வாழும் நமக்கு, பொருத்தமில்லாத உணவின் மூலமாகவும், தொற்றுக்கிருமிகள் மூலமாகவும், சூழல் காரணமாகவும், நோய்தாக்கம் பெற்ற பிறரின் அருகாமையினாலும், வேறுபல காரணங்களினாலும், கிரகங்களின், நட்சத்திரங்களின் அலைவீச்சினாலும் உடல் பாதிப்பு வரலாம், அது நோயாகவும் மாறிவிடலாம். அந்த நோய் நீடித்தால் உடல் உறுப்புகளும் பாதிக்கப்படலாம்.

ஆனால், வருமுன் காப்பதாக, நமக்கு எப்பொழுது உடல் நலமின்றி இருக்கிறது என்பதை அறிகிறோமோ, அப்பொழுதே ‘சாந்தி தவம்’ இயற்றி வந்தால் அந்த பிரச்சனையில் இருந்து, உடல் நலம், மன ஆறுதல் கிடைக்கும். 

அதைவிடுத்து நீடித்த உடல் பிரச்சனைக்கும், நோய்க்கும், உடல் உறுப்பு பாதிப்புக்கும் உடனடியாக, மருத்துவமனை சென்று, மருத்துவரை பார்ப்பதும், அவரின் ஆலோசனை பெறுவதும் தான் நல்லது. வருமுன் காப்பது என்ற நிலையில்தான் ‘சாந்தி தவம்’ உதவும் என்பதை நீங்கள் தெளிவுபட புரிந்து கொள்ள வேண்டும்.

வந்த பிறகு தீர்ப்பதை விட, வருமுன் காப்பதே சிறப்பு!

வாழ்க வையகம், வாழ்க வையகம், வாழ்க வளமுடன்.

-

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: